…. H

كان واضح طبعا إن أول قرار هياخده وزير التعليم الجديد تعديل منهج رابعة ابتدائي استجابة لأولياء الأمور.. وسيتبع ذلك بالتأكيد تخفيف مناهج السنوات التالية لرابعة ابتدائي.
والحقيقة من تجربتي السنة اللي فاتت مع رابعة ابتدائي.. مكنتش أتمنى الوزير يقول تعديل المنهج ونسيب العبارة بدون شرح ولا تفاصيل فنية والتركيز فقط على مدة الدراسة.. فاللي هيحصل غالبا هو حذف أجزاء بالكامل وخلاص.
ولكن كنت أتمنى يتم الإعلان عن خطة عاجلة لتدريب المعلمين على المناهج دي لأنها فعلا مفيدة للغاية وتمثل نقلة في طريقة توصيل المعلومات في كل المواد وتوسيع مدارك الطفل وتثير شغفه للمعرفة.
وخلال التدريب أو بعده بقى نقول نحذف إيه ونخلي إيه ونرحل إيه.. وفقا لما يتضح من التدريبات والممارسة العملية.
عموما الأرجح دلوقت إن الوزارة هتمشي على خطى طارق شوقي فعلا.. ولكن بأستيكة.. ليتجدد السؤال: كل ده كان ليه؟!