.. Yy

بعد 142 يوم من إضراب عن الطعام لا تعترف به إدارة السجن ولا إعلام النظام #علاءعبدالفتاح” يصعد من إضرابه مطالبا بالحرية له ولزملائه المعتقلين

“علاء حلق دقنه وشعره وقال إنه بداية من النهارده هيوقف الخيارة أو التفاحة الأسبوعية اللي كان بياخدها. هيستمر ياخد ١٠٠ كالوري سوائل في اليوم لكن طلب مننا نبطل نجيب في الزيارات اي سوائل أو فيتامينات وهيكتفي بالخزين اللي عنده تحضيرا لانه يرجع يصعد لإضراب كامل تاني قريب.
قالي متزعليش مني بس انا مش مقتنع إن في مجال للنجاة الفردية وبالتالي هي دي مطالبي:
١ – الإفراج عن كل المحتجزين داخل مقرات الأمن الوطني
٢- الإفراج عن كل اللي تخطوا مدة الحبس الاحتياطي وهي ٦ شهور في الجنح، ١٨ شهر في الجنايات و٢٤ شهر لو العقوبة مؤبد أو إعدام.
٣- الإفراج عن كل اللي صدر ضدهم أحكام بإجراءات تقاضي غير دستورية (وفقا للدستور الجديد) زي الحبس في قضايا النشر ومحاكم امن دولة طوارئ.
٤- عفو ثلث المدة عن كل المحكوم عليهم في قضايا لا يوجد بها مجني عليه.
دا صوت علاء. دا صوت مسجون بيموت بالبطيء وكدا كدا يائس من اي حل له شخصياً لكن مقتنع إن في مجال للتفاوض على خروج آلاف غيره.”
سناء سيف شقيقة علاء عبد الفتاح